Во Каталонија врие: Барса бара одложување на мечот со Лас Палмас

Денес се одржува референдум за независност на Каталонија, а последните вести говорат дека има нереди по улиците и повредени луѓе.

Во Барселона моментално владее тотален хаос, па поради тоа управата на клубот ќе испрати и официјално барање до Ла Лига за одложување на денешниот натпревар против Лас Палмас во рамките на 7-то коло од Примера.

Ситуацијата навистина може да излезе од контрола, бидејки денес во Барселона и околината беа забележани неколку инциденти, по што полицијата го засили бројот на полицајци по улиците и на гласачките места.

Ѕвездата на Барселона Жерар Пике утрово излезе на гласачкото место и заокружи за независност на Каталонија, а во тоа му се придружија уште Чави, Пијол и Пеп Гвардиола кој гласал преку електонска пошта.