Израелците бесни по натпреварот во Косово: Игравме на свињарник!

Репрезентацијата на Косово ги задржа шансите за пласман на Европското првенство наредната година во Германија откако во одложениот натпревар го победија Израел со 1:0.

Израелците по овој натпревар го критикуваат и теренот на кој играле, а се огласи и најголемата ѕвезда во репрезентацијата, Еран Захави.

„Ова на кое игравме е повеќе свињаерник отколку фудбалски терен. Очекувавме да биде тешко и на крајот не освоивме ниту бод. Против Романија и Швајцарија ќе дадеме се од себе, се уште имаме добри шанси. Вечерва не игравме фудбал, ние сме навикнати на нормален терен. Тешко беше дури и да правите едноставни работи“, истакна Захави.

Захави е најдобриот стрелец во историјата на репрезентацијата на Израел со 33 постигнати гола.