Eдна репрезентација на седум дена пред стартот на квалификациите се откажа од СП 2026

Фудбалската репрезентација на Еритреја воопшто нема да учествува во квалификациите за Светското првенство во 2026 година.

Оваа селекција се откажа на само седум дена пред првиот натпревар. Информацијата ја потврди ФИФА, но без да ги открие причините.

„ФИФА и ЦАФ потврдуваат дека Еритрејскиот фудбалски сојуз се повлече од натпреварувањето за пласман на Мундијалот во 2026 година“, стои во соопштението од Светската фудбалска федерација.

Еритреја требаше да игра во групата Ф со Мароко, Замбија, Конго, Танзанија и Нигер.