Поголем и од Реал Мадрид: Најлошиот клуб од Бундес лигата има 100.000 членови!

Иако се наоѓа на самото дно во Бундес лигата Келн стигна до бројката од 100.000 членови и стана четвртиот германски клуб кој ја достигнал таа бројка.

Водечкиот Баерн Минхен има 284.000 членови, следат Борусија Дортмунд со 150.000 и Шалке со 145.000 членови, а бројката од 100.000 ја достигна и Келн кој интересно има повеќе членови од Реал Мадрид (92.000).

Честа да стане 100.000-от член на клубот ја имаше 13-годишниот Јан Синдерман кој од клубот доби низа поклони меѓу кои и дрес со бројот 100.000.

Келн во понеделникот оддржа клупско собрание на кое присуствуваа 6.500 членови, па мораше да се одржи во спортска сала.

„Пред неколку години имавме само 50.000 членови, а сега стигнавме до волшебната бројка од 100.000. Тоа само покажува какви фантастични навивачи имаме“, изјави претседателот Варнер Спинер.