Фудбалерот на холандски НЕЦ Нијемген Бас Дост за среќа се чувствува добро откако вчера колабираше во натпреварот против АЗ Алкмар.
Искусниот фудбалер падна на теренот и беше во безсознание, а докторите брзо му врачија прва помош што беше клучна за понатомошното здравје на фудбалерот.
Дербија во Мадрид и Минхен: Последна шанса за Тен Хаг? ↓↓↓
Нешто подоцна Дост се огласи на социјалните мрежи заблагодарувајќи се на докторите и навивачите.
„Добро сум. Помошта која ја добив на теренот беше фантастична. Во болница сум и се чувствувам добро. Благодарност за целата поддршка“, објави Дост.
Од НЕЦ соопштија дека напаѓачот ќе остане во болница на тестови и во текот на денешниот ден би требало да се добијат резултатите по кои би биле познати повеќе детали.