Во клубот е само неколку месеци, а веќе испишува историја!

Иако во клубот е само неколку месеци, францускиот напаѓач Александар Лаказет, веќе испишува историја во дресот на англискиот гигант Арсенал.

Лаказет во вчерашната победа против ВБА ги постигна двата погодоци за „топџиите“ и така стана првиот фудбалер на Арсенал кој се запишал во листата на стрелци на првите три домашни натпревари.

Серијата ја започна против Лестер, потоа следуваше гол против Бурнемоут и сега два против ВБА.

Последниот играч на кој му успеало вакво нешто беше Брајан Марвуд во 1988 година. Вториот погодок против ВБА Лаказет го постигна од пенал, а тоа беше јубилеен 100 реализиран пенал на Арсенал во Премиер лигата.

Лаказет во Арсенал пристигна ова лето од Лион за сума од 53 милиони евра.