Доцна синоќа испишана е историја во Премиер лигата

Лондонски Арсенал во текот на ноќта го комплетираше вториот најголем трансфер во историјата на англискиот фудбал.

Деклан Рајс стана најскапиот Англичанец досега и стана нов играч на Топџиите.

Деклан Рајс е нов играч на Арсенал. Топџиите нешто по полноќ го комплетираа трансферот на англискиот репрезентативец и тој ќе го носи дресот на тимот од Емирати.

По долги преговори со градскиот ривал Вест Хем, Арсенал синоќа конечно го комплетираше трансферот на 24-годишниот фудбалер.

Тоа е втор најголем трансфер во историјата на англиската Премиер лига, а Рајс стана најскапиот Англичанец досега.

Вест Хем од трансферот ќе земе вкупно 105 милиони фунти. 100 милиони е вредноста на трансферот, а останатите пет милиони ќе ги заработи преку одредени бонуси.

Така Рајс стана најскапиот англиски фудбалер досега. Тој го надмина трансферот што го направија Астон Вила и Манчестер Сити во зделката за Џек Грилиш која беше договорена за 100 милиони евра.

Рекордниот трансфер во англискиот фудбал го држи Енцо Фернандез. Челзи за него и плати на Бенфика во јануари оваа година 106,8 милиони фунти.

Деклан Рајс целата своја кариера ја помина во Вест Хем. За Чеканите одигра 245 натпревари и постигна 15 голови.