Наполи тргнува по Нагелсман

Претседателот на Наполи, Аурелио Де Лаурентис е во потрага по нов тренер и остварил контакт со Јулијан Нагелсман, пренесуваат италијанските медиуми.

„Скај Италија“ пренесе дека Наполи се откажал од Луис Енрике бидејќи е прескап и дека се насочува кон Серџо Консеисао.

Меѓутоа, пред да влезат преговорите со Португалецот во напредна фаза Де Лаурентис го контактирал Нагелсман.

Нагелсман е слободен, откако претходно оваа пролет доби отказ од Баерн Минхен.

Пред извесно време се водеа разговори меѓу Нагелсман и челниците на Наполи, но тоа беше само информативно, а сега наводно италијанскиот клуб е спремен да испрати конкуретна понуда.