Се огласи Роналдо: Мојата љубов кон Манчестер Јунајтед никогаш нема да се промени

Манчестер Јунајтед денес потврди дека го раскина договорот со Кристиано Роналдо.

После шокантното интервју кое го даде Роналдо каде отворено го критикуваше клубот, тренерот и соиграчите јасно беше дека тој повеќе нема иднина на „Олд Трафорд“.

Двете страни постигнаа договор за предвремено раскинување на соработката, па Роналдо е од денес слободен агент.

„По разговорите со Манчестер Јунајтед, заеднички се договоривме да го раскинеме договорот предвреме. Го сакам Манчестер Јунајтед ги сакам навивачите, и тоа никогаш нема да се промени. Сепак, ми се чини дека е вистинско време да барам нов предизвик. Му посакувам на тимот успех за остатокот од сезоната и за во иднина“, истакна Роналдо.