Сејдини на средба со Инфантино: Поддршката од ФИФА нема да изостане, очекуваме новости

Претседателот на Македонската Фудбалска федерација, Муамед Сејдини оствари средба со првиот човек на фудбалот Џани Инфантино.

Како што соопшти Сејдини на средбата во преден план било унапредувањето на фудбалот и инфраструктурата на стадионите.

„Со првиот човек на ФИФА, Џани Инфантино, чија поддршка е секогаш добредојдена за федерации како ФФМ. Одличните односи и соработка ќе продолжиме да ги негуваме и во иднина, а во преден план ни е унапредувањето на фудбалот и инфраструктурата.

Г. Инфантино ни вети дека подршката од ФИФА во овој дел нема да изостане и наскоро очекуваме новости во овој правец“, порача Сејдини преку социјалните мрежи