Сејдини остана без дипломатскиот пасош

Првиот човек на Фудбалската федерација на Македонија, Муамед Сејдини од вчера не поседува дипламтски пасош.

Министерството за надворешни работи одлучи да ја повлече одлуката на Бујар Османи кој претходно му подари ваков пасош претседатело на ФФМ.

Причините поради кои Сејдини го доби пасошот и тогаш не беа познати на јавноста. Ваквиот тип на пасоши го добиваат лица кои придонеле за афирмацијата на Македонија низ светот.

Фудбалерите Александар Трајковски и Енис Барди кои добија дипломатски пасоши по големата победа над Италија во баражот за СП и понатаму ќе ги поседуваат.