Лајпциг експресно реагираше – желбата на Челзи потпиша нов договор!

Пред неколку дена се појави информација дека Челзи е спремен да палти 90 милиони евра за Јошко Гвардиол од Лајпциг, наводно „сините“ во него гледале замена за Тијаго Силва.

Челзи сакаше да го обезбеди Гвардиол сега и да пристигне идното лето, меѓутоа Лајцпиг експресно реагираше. Од клубот прво изјавија дека сакаат да го имаат Гвардиол и оваа и наредната сезона.

Сега тоа и го потврдија. Гвардиол потпиша нов договор со германскиот бундеслигаш кој ќе има важност до јуни 2027 година. Во редовите на Лајпциг пристигна летото во 2020 година. Минатата година импресионираше со настапите во дресот на германскиот тим и така го привлече вниманието на европските гиганти.