Тринити Родман го презеде првото место меѓу најплатените фудбалерки во светот. Договорот со Вашингтон Спирит ѝ носи шест милиони долари за три години, а покрај годишната заработка од два милиони долари, предвидени се и бонуси.
Продолжувањето на соработката беше договорено на почетокот на годината. Нејзиниот претходен договор истече на 31 декември 2025 година, по што Родман накратко беше без клуб. Со новиот потпис, нејзината иднина повторно е врзана за Вашингтон Спирит, до 2028 година.
На врвот според заработката таа ја надмина Аитана Бонмати. Фудбалерката на Барселона и шпанската репрезентација, која трипати ја освојуваше „Златната топка“, претходно беше најплатена во женскиот фудбал.
Тринити е ќерка на поранешната НБА-ѕвезда Денис Родман, но својот спортски пат го изгради на фудбалскиот терен. Родена е на 20 мај 2002 година и уште како млада се издвои меѓу најталентираните американски фудбалерки.
Детството го поминала во Јужна Калифорнија со постариот брат, а главната улога во нивното воспитување ја имала мајка им, Мишел Мојер. Родман е во врска со американскиот тенисер Бен Шелтон.
Фото: Република
Учество во игри на среќа е дозволено за лица со 18+ години. Играј одговорно!