Реал Мадрид го сака дефанзивецот на Сити

Дефанзивецот на Манчестер Сити, Емерик Лапорт сака да го напушти англискиот шампион, пренесува „АС“.

Во Сити го изгуби првотимскиот статус и побарал од раководството да му биде дозволен трансфер.

„Граѓаните“ се спремни да го продадат на лето, а најсилен интерес за него покажува Реал Мадрид.

„Кралевите“ сакаат да ја засилат одбраната и веруваат дека шпанскиот репрезентативец ќе биде идеално решение.

Сити за неговата слобода бара 50 милиони евра, но Реал ќе се обиде да ја намали таа сума преку преговори.