Челзи сака да си го врати Емерсон

Челзи се обидува да си го врати левиот бек Емерсон Палмери, кој во летото беше испратен на позајмица во Лион.

27-годишниот италијански репрезентативец се претставува одлично во Лига 1 и веднаш се избори за место во стартниот тим.

Меѓутоа, поради повредата на Чилвел „сините“ се во потрага по нов лев бек и сакаат да си го вратат Емерсон.

„Скај Спорт“ пренесува дека Лион дал негативен одговор бидејќи позајмицата на играчот е договорена до крајот на сезоната и не сака да го пушта во јануари.

Челзи беше заинтересиран и за Лукас Диње од Евертон, кој според последните информации е пред трансфер во Астон Вила.