Реал нуди солидна сума за да го добие Мбапе уште во јануари

Реал Мадрид не сака да чека до лето и е спремен да понуди 50 милиони евра на ПСЖ за потписот на Килијан Мбапе, пренесува „АС“.

Реал во летниот преоден рок понуди 200 милиони евра за Мбапе, но ПСЖ ги одби бидејќи веруваше дека ќе го убеди Французинот да стави потпис на нов договор.

Мбапе е категоричен во намерата да се пресели во Мадрид и ги одби сите понуди на „светците“ за продолжување на соработката.

Французинот веќе има договор со „кралевите“ и на лето ќе биде слободен агент, но Реал ќе се обиде да го донесе на „Сантиаго Бернабеу“ во јануари.

Перез е спремен да понуди 50 милиони евра за да го добие Мбапе веднаш, па останува да видиме каков ќе биде одговорот на ПСЖ, иако тешко е веројатно дека ќе го пуштат на средина од сезоната.

Во спротивен случај, Реал ќе го доведе Мбапе на лето без обештетување.