Барселона се вклучи во трката за Влаховиќ

Барселона е последниот клуб кој се вклучи во битката за потписот на Душан Влаховиќ, пренесуваат шпанските медиуми.

Влаховиќ има договор со Фиорентина до 2023 година, но откако одби да го продолжи договорот, јасно е дека ќе биде продаден.

21-годишниот напаѓач моментално е прв стрелец во Серија А и е на мета на многу европски гиганти, а сега во трката за неговиот потпис се вклучи и Барселона.

Најголема желба на Каталонците е Ерлинг Халанд и ќе се обидат да го „украдат“ Норвежанецот пред носот на Реал Мадрид, но тоа сигурно ќе биде многу тешко.

Поради тоа Барселона има алтернатива, а тоа е Влаховиќ, чиј потпис може да го добие за 70 милиони евра на лето.

Италијанските медиуми пишуваат дека Фиорентина повеќе би сакала да го продаде Влаховиќ во странство отколку во Серија А, а Србинот сигурно нема да може да и каже не на Барселона.