Интер тргнува по „машината за голови“ на Ајакс

Интер е во потрага по квалитетен напаѓач кој ќе може да биде долгорочна замена за Един Џеко.

Босанецот игра одлично оваа сезона, но има 35 години, па Интер веќе започна потрага по негова замена, а прва желба е голтерегот на Ајакс, Себастијан Халер.

Халер игра фантастична сезона во Ајакс каде на 24 меча постигна 22 гола, а во групната фаза од Лигата на шампиони постигна 10 гола.

Овој 27-годишен напаѓач претходно беше во Вест Хем, но не се прослави во Премиер лигата, а сега во Ајакс игра во животна форма.

Интер стапил во контакт со неговиот агент и медиумите тврдат дека Халер ќе биде примарна цел на „нероаѕурите“ следното лето.