Вчера го „сруши“ Ибра, во јануари потпишува за Милан

Руските медиуми пренесуваат дека Милан е силно заинтересиран за Хвича Кварацхелија, или грузискиот „Меси“.

Грузиецот го сврте вниманието кон себе со добрите настапи во дресот на Рубин Казан и беше избран за најдобар млад фудбалер во руската лига.

Неколку европски клубови веќе подолго време го следат Кварацхелија, а скаути на Милан биле присутни на синоќешниот меч против Шведска, кога Грузиецот постигна два гола.

Руските медиуми пренесуваат дека „росонерите“ веќе стапиле во контакт со Рубин Казан, и сакаат да го донесат Кварацхелија во зимскиот преоден рок.

Се претпоставува дека Милан за потписот на 20-годишниот крилен напаѓач ќе плати 20 милиони евра.

📰 GdS: #ACMilan strongly interested in €20m Rubin Kazan star deemed useful to Pioli's systemhttps://t.co/PQ8lFaSFIb #SempreMilan

— SempreMilan (@SempreMilanCom) November 12, 2021