Бензема уште еднаш повтори: Го сакам Мбапе во Реал!

Францускиот напаѓач од редовите на Реал Мадрид Карим Бензема беше гостин во шпанската телевизија „Депортес“ помеѓу другото зборуваше и за Мбапе.

Како што стојат работите изгледа дека тој трансфер е се поблиску и покрај тоа што ПСЖ сака да го задржи. Договорот на Мбапе завршува на крајот на актуелната сезона, а веќе од јануари има можност да се договара со заинтересираните клубови.

Бензема и претходно истакнуваше, а сега повтори дека сака да го види Мбапе во Реал Мадрид.

„Го сакам Килијан во Реал Мадрид. Го кажав тоа и претходно, ќе го кажам повторно. Секако дека сакам да дојде“, потенцираше Бензема.

Тој „еден ден“ многу веројатно е дека ќе биде во наредната сезона.