Ѓорѓиев за поразот од Финска: Се случи истото како и пред две години

Одбојкарската репрезентација на Македонија беше поразена на првиот натпревар на Европското првенство од домаќинот Финска со 3:1 во сетови.

По поразот своето мислење за натпреварот го изнесе капитенот Никола Ѓорѓиев.

„За жал изгубивме од Финска. Според мене се случи истото како и пред две години, изгоревме во желбата за победа. Се уште сум убеден дека сме подобра репрезентација од нив, но не го покажавме тоа на теренот. Жал ни е, денес после непроспиената ноќ го анализиравме натпреварот и гледавме каде грешевме“.

„Не чекаат уште четири натпревари. Традицијата ни покажува дека секој следен меч го играме подобро, па се надеваме така ќе биде и сега. Борбата за осминафиналето секако уште не е завршена“, изјави Ѓорѓиев.