Заврши сезоната за Надал, нема да игра на УС Опен

Поради повреда на стопалото, Рафаел Надал објави дека ја завршува сезоната и нема да настапи на последниот Грен слем турнир.

Шпанецот се огласи преку социјалните мрежи и ги разочара фановите со тоа што потврди дека сезоната за него е завршена.

„Имам сериозни проблеми со повредата на стапалото и сега морам да паузирам. По разговорот со најблиските, донесов одлука да се посветам на рехабилитацијата и да одморам. Оваа година пропуштив многу турнири кои ми значат, а сега морам да го пропуштам и УС Опен“, истакна Рафа.

Се очекува тој да биде подготвен за стартот на следната сезона во 2022 година.