Седлоски: Задоволен сум од играта и покрај поразот

Шкупи вчера беше поразен и во реваншот против Санта Клара.

Овој пат тимот од Азорските острови славеше со 0:2 и со вкупно 0:5 го елиминираше македонскиот претставник.

Момците на Седлоски и покрај поразот вчера не разочраа, посебно добро играа во второто полувреме, тоа го истакна и Седлоски. Сепак, треба да се знае дека Санта Клара и пред двомечот ја имаше фаворитската улога против чаирчани.

„Прво да честитам на противникот. Тие се подобар тим и затоа одат понатаму. Во првиот натпревар во Скопје со премногу респект влеговме во натпреварот. На реваншот тука имавме неколку измени и знаевме дека ќе биде тешко. Но, јас сум задоволен од настапот на тимот и покрај грешките за двата примени гола. Посебно сум задоволен од тоа како одигравме во второто полувреме“, изјави Седлоски.

Фото: ФК Шкупи