ЕУРО 2020: Белгија – Можеби последна шанса за најдобрата белгиска генерација да дојде до трофеј

Европското првенство е се поблиску па така ви ги претставуваме селекциите кои ќе се натпреваруваат на овој турнир. Откако започнавме со Италија (тука), следи репрезентацијата на Белгија.

Составот на Белгија за ЕУРО 2020 беше еден од првите што беше објавен. Менаџерот Роберто Мартинез има богатството во својот состав од 26 играчи, избирајќи sвездена колекција на играчи од некои од најголемите екипи во Европа.

Додека другите земји се определија за избор на поголем од 26-30 фудбалери, Мартинез одлучи да го открие својот краен состав предвреме, додека избра 11 „резервни“ играчи кои би можеле да го засилат составот доколку има потреба од тоа.

Правилата на ЕУРО 2020 велат дека секој тим може потенцијално да направи неограничен број промени откако ќе го достави својот конечен список, доколку тимот го погоди КОВИД-19.

Состав на Белгија ЕУРО 2020:

Г: Тибо Куртоа (Реал Мадрид)

Г: Симон Мињоле (Клуб Бриж)

Г: Матс Селц (Стразбур)

Д: Јан Вертонген (Бенфика)

Д: Тоби Алдервеирелд (Тотенхем)

Д: Томас Вермален (Висел Коби)

Д: Дедрик Бојата (Херта Берлин)

Д: Џејсон Денајер (Лион)

С: Леандер Дендонкер (Вулверхемптон)

С: Тимоти Кастање (Лестер Сити)

С: Томас Муние (Борусија Дортмунд)

С: Кевин Де Брујн (Манчестер Сити)

С: Насер Чадли (Истанбул Башакшехир)

С: Јаник Караско (Атлетико Мадрид)

С: Јури Тилеманс (Лестер Сити)

С: Торган Азар (Борусија Дортмунд)

С: Аксел Витсел (Борусија Дортмунд)

С: Денис Прает (Лестер Сити)

С: Ханс Ванакен (Клуб Бриж)

Н: Дрис Мертенс (Наполи)

Н: Ромелу Лукаку (Интернационале)

Н: Кристијан Бентеке (Кристал Палас)

Н: Мичи Батшуаи (Кристал Палас)

Н: Еден Азар (Реал Мадрид)

Н: Џереми Доку (Рен)

Н: Леандро Тросард (Брајтон и Хов Албион)

11 резервни играчи

Г: Томас Камински (Блекбурн Роверс)

Д: Брендон Мехеле (Клуб Бриж)

Д: Зињо Ванхеузен (Стандард Лиеж)

Д: Џордан Лукаку (Антверпен)

С: Томас Фокет (Ремс)

С: Алберт Самби Локонга (Андерлехт)

С: Аднан Јанузај (Реал Сосиедад)

С: Брејн Хејнен (Генк)

С: Алексис Салемаекерс (Милан)

Н: Јари Версхерен (Андерлехт)

Н: Шарл Де Кетелере (Клуб Бриж)

Со многу клучни играчи во доцните 20-ти или раните 30-ти, на годинашното Европско и Светското првенство следната година се гледа како на последната шанса за нај талентирана генерација на Белгија да освои голем трофеј.

Без сомнение Белгија го има еден од најдобрите состави на првенството и затоа оправдани се очекувањата во белгиската фудбалска јавност – титула.

Кој е менаџер на Белгија?

Поранешниот шеф на Свонси, Виган и Евертон, Роберто Мартинез управува со Белгија, откако националниот тим го назначи 47-годишникот во 2016 година.

Шпанецот ја однесе Белгија до третото место на Светското првенство во 2018 година, што воедно е нивни најголем успех досега, а тоа е неговиот единствен турнир досега со Белгија.

Многу скептици имаше во Белгија околу неговиот ангажман, а Мартинез токму на овој турнир сака да докаже дека е менаџер за високи дострели. Не ја крие својата цел, а тоа е злато на ЕУРО 2020.

Кој е најдобриот играч на Белгија?

Од каде да с епочне? Сепак, Кевин Де Брујн го престигна Еден Азар кој не одигра како што се очекуваше од него откако му се приклучи на Реал Мадрид во 2019. Плејмејкерот на Манчестер Сити е еден од најдобрите играчи на ЕУРО 2020, кого Белгија без сомнение ќе се обиде да го искористи до максимум.

Најдобриот играч на сезоната 2019/20 во Премиер лигата, Де Брујн е извонреден играч во белгиски тим преполн со таленти, вклучувајќи ги Ромелу Лукаку, Дрис Мертенс и Тибо Куртоа.

Кој е најдобриот дел на тимот?

Дилема е да се каже дали тоа е средината или нападот!? Можеби најслаба алка во екипата е одбраната. Не дека е слаба, но ги нема тие звезди како во останатите линии во тимот. Средината со Де Брујн има милион опции, со Витсел има цврстина и сигурност, со Тилеманс и Прает хомогеност, а тука се Караско, Азар и уште неколкумина за тимот да има целина. Нападот предводен од неверојатниот Лукаку, Мертенс и младиот Доку има разновидност која ќе биде повеќе од потребна за да се дојде до толку посакуваниот трофеј.

Предвидување:

Се освен финале ќе биде големо разочарување за сите во Белгија. Како што веќе рековме, ова е можеби последна шанса за оваа генерација на Белгија да дојде до трофеј, а оваа генерација е најдобрата во историјата на земјата. Групата ќе ја поминат без многу мака, бидејќи се најдоа во една од групите кои се неатрактивни. Мартинез ќе треба да го диктира темпото и кулминацијата да ја достигне во елиминациската фаза. Доколку го стори тоа, Белгија може најмалку во полуфиналето.