Виери: Перез не е глупав, на најголемите клубови не им се потребни УЕФА и ФИФА

Легендарниот италијански фудбалер, Бобо Виери верува дека кога-тогаш Суперлигата ќе се одигра.

Голем број сегашни и поранешни фудбалери ја критикуваа Суперлигата. Меѓутоа во таа група не е Кристијан Бобо Виери, поранешниот ас на Јувентус, Атлетико, Лацио, Интер, Фиорентина…и репрезентацијата на Италија.

„Мислам дека Суперлигата ќе се одржи, но не денес, туку во иднина. Клубовите направија грешки во комуникацијата, но Флорентино Перез не е глупав, знае што сака. На големите клубови не им е потребна УЕФА, тие не сакаат некој друг да ги контролира нивните пари“, порача Виери.

Виери потсети и за скандалите во ФИФА и УЕФА.

„Секоја година некој од УЕФА и ФИФА е уапсен. Тоа не го кажувам јас, таква е реалноста“, изјави легендарниот фудбалер.