Изненадување: Пјонтек може да потпише за Јувентус

Јувентус ја продолжува потрагата по нов напаѓач, а најново име на списокот на „бјанконерите“ е Криштоф Пјонтек.

Поради потешкотиите да дојдат до потписот на Жиру, „бјанконерите“ сега ќе се насочат кон поранешниот напаѓач на Милан и Џенова.

Пјонтек блесна во дресот на Џенова, но не се снајде најдобро во Милан, па „росонерите“ за 27 милиони евра го продадоа во Херта.

Полјакот е на излезна врата од германскиот клуб, па Јувентус ќе се обиде да го врати во Серија А.

„Старата дама“ во наредните денови ќе испрати понуда за позајмица до крајот на сезоната со опција за откуп на лето.