Гомез донесе одлука каде сака да ја продолжи кариерата

Папу Гомез до крајот на јануари ќе ја напушти екипата на Аталанта, но се уште не е познато каде ќе ја продолжи кариерата.

Имено, негова желба е да остане во Италија, а заинтересирани за неговите услуги се Интер и Фиорентина.

Сепак, од тоа нема да биде ништо, бидејќи управата на Аталанта донесе јасна одлука според која нема да го продаде на ниту една екипа од Италија.

Од друга страна Гомез сака да се пресели во клуб кој игра во ЛШ, но се уште не пристигнала понуда за него од некоја друга лига.

Да потсетиме, причината поради која Гомез заминува од Аталанта е недоразбирањата со тренерот Гасперини во првиот дел од сезоната.