Валенсија во „епизодата“: Како да изгубите 20 милиони на еден играч!

Екипата на Валенсија денес потврди дека нивниот фудбалер за врска Енцо Перез кариерата ќе ја продолжи во Ривер Плата.

Перез во Валенсија пристигна во јануари 2015 година како големо засилување, но тој во Ла Лига не направи ништо.

Tоа и немаше да биде голема трагедија доколку за него не платија 25 милиони евра, а во Ривер Плата го пуштаат за само пет. Значи, Валенсија за само две ипол години изгуби дури 20 милиони евра на овој фудбалер.

Иначе Енцо пристигна од Бенфика каде што прикажуваше одлични настапи, но за Валенсија изминатата сезона на 27 натпревари запиша една асистенција, а рубриката „голови“ остана празна.

Секако, позитивна работа за Валенсија е што сега ќе имаат повеќе пари за плата на играчите, па можеби и треба да се очекува некое поквалитетно засилување на „Местаља“ ова лето.