Милан го сака капитенот на Арсенал

Англиските медиуми пренесуваат дека Милан е заинтересиран за капитенот на Арсенал и француски репрезентативец, Лоран Косиелни.

Милан веќе ја засили одбраната со Матео Мусакио, но клубот го раскина договорот со Палета, па е во потрага по уште еден дефанзивец.

Косиелни иако неодамна го продолжи договорот со Арсенал до 2020 година, сепак неговата иднина на „Емирати“ не е сигурна.

„Имам договор со Арсенал, и во минатиот ноември потпишав договор до 2020 година. Добро ми е тука, но не знам што ќе донесе иднината“, изјави Косиелни.

Покрај Милан интерес за Французинот покажува и Олимпик Марсеј.