Гвардиола тргнува по метата на Барса и Реал?

Манчестер Сити својата трка за новата титула ќе ја започне против Вулвс и тоа е потенцијално да видиме некои нови лица на теренот како Торес и Акe.

Англиските медиуми пишуваат дека нова мета на Манчестер Сити ќе биде Жулс Кнуде за кого има интерес и од Барселона и Реал Мадрид.

Младиот стопер на Севиља имаше одлична сезона по доаѓањето од Бордо, најголемите шпански ривали го одредија како мета за во иднина, но Гвардиола сега може да им ги расипе плановите.

Лопетеги од Сити покрај паричната понуда би можел да го побара и Николас Отаменди, 32 годишниот Аргентинец така би се вратил во Примера каде што со успех го носеше дресот на Валенсија.