Јувентус ги стави Рабио и Рамзи на продажба

Aко му веруваме на „Тутоспорт“ ова лето ќе видиме голема реконструкција во Јувентус.

Најголеми промени ќе претрпи средниот ред каде веќе замина Пјаниќ и ќе пристигне Артур.

„Тутоспорт“ тврди дека „старата дама“ ги ставила на продажба Арон Рамзи и Адриен Рабио, кои не се покажаа во својата прва сезона во Торино.

Двајцата пристигнаа како слободни агенти, па Јувентус ќе има чиста заработка од нивните трансфери, а клубот очекува да инкасира помеѓу 60 и 70 милиони евра.

Најголема желба на Сари во средниот ред е Жоржињо од Челзи, па се очекува тој трансфер да биде финансиран од продажбата на Рамзи и Рабио.