Надал: Потребна е вакцина, не можеме доживотно да се дистанцираме

Шпанскиот тенисер Рафаел Надал е среќен поради враќањето на терен, но и е свесен дека пандемијата од коронавирусот ќе влијае на глобалната иднина.

Поранешниот прв рекет во светот кој како и сите други спортисти ширум светот беше во двомесечна самоизолација, а сега продолжи со тренинзи на терените на својата академија во Мајорка.

„Конечно можеме да се вратиме на терените. Мило ми е што повторно децата можат да играат. Среќни сме тоа е важно за сите нас. Секако сакам на турнирите да има полни трибини, но мораме да бидеме трпеливи, потребна ни е вакцина. Не можеме доживотно да се дистанцираме“, изјави Надал.

Инаку, Надал е против ставот на Ѓоковиќ кој не е за задолжително вакцинирање.