Барса и Атлетико ја сакаат ѕвездата на Ајакс

Барселона и Атлетико Мадрид се силно заинтересирани за левиот бек на Ајакс и аргентински репрезентативец, Николас Таљафико.

Таљафико минатата сезона одигра фантастично и го привлече вниманието на многу европски гиганти и има договор со Ајакс до 2022 година.

Меѓутоа, самиот Аргентинец потврди дека сака да ја промени средината ова лето и се надева дека Ајакс нема да му стои на патот.

Таљафико треба да биде ново решение за зголемување на конкуренцијата за Жорди Алба, откако Жуниор Фирпо не ги оправда очекувањата.

Од друга страна пак Диего Симеоне сака да донесе нов лев бек и Таљафико е првата желба на „јорганџиите“.

Ајакс за неговата слобода бара 25 милиони евра, сума која двата клуба се спремни да ја платат.

#Ajax set €25m asking price for #FCBarcelona and #AtleticoMadrid target Nicolas Tagliafico https://t.co/aB7XLnQ7qz

— footballespana (@footballespana_) May 24, 2020