Новак Ѓоковиќ се придружи во одбележувањето на втората годишнина од трагедијата во Нови Сад, во која животот го загубија 16 лица. Српскиот тенисер преку стори на Инстаграм сподели објава посветена на жртвите од падот на настрешницата на 1 ноември 2024 година.
Ѓоковиќ ја презеде објавата од профилот „Студенти во блокада“. Нејзината порака е дека таков први ноември никогаш повеќе не смее да се повтори. Ова не е првпат тенисерот јавно да се огласи по повод трагедијата.
Годишнината беше одбележана и со комеморативен собир во чест на загинатите. При уривањето на самото место починаа 14 лица. Ања Радоњиќ им подлегна на повредите 16 дена подоцна, а четири месеци по несреќата почина и Вукашин Црнчевиќ. Единствената преживеана е Теодора Мартинко.
Две години подоцна, главниот судски претрес сè уште не е почнат. Подготвителното рочиште пред Вишиот суд ја чека одлуката на Врховниот суд по барањата на бранителите за заштита на законитоста.
Објавата на Ѓоковиќ доаѓа на денот кога повторно се оддава почит на жртвите, додека судската постапка и натаму е без почеток на главниот претрес.
Фото: Beuk.de at Serbian Wikipedia / Wikimedia Commons, CC BY-SA 4.0
Учество во игри на среќа е дозволено за лица со 18+ години. Играј одговорно!