Вајт: Што и да биде борбата Кабиб – Фергусон ќе се одржи!

Дајна Вајт, првиот човек на УФЦ неодамна објави дека УФЦ евентите ќе продолжат, сепак следните три мораа да бидат откажани.

Меѓутоа, Вајт не се откажува и порачува дека четвртиот ќе се одржи. Станува збор за евентот на кој треба да се судрат Кабиб Нурмагомедов и Тони Фергусон.

„Борбата помеѓу Фергусон и Кабиб ќе се одржи на 18. април. Таа борба ќе се случи. Што и да биде и без публика ако треба таа борба ќе се одржи! Веројатно нема да биде во САД. Ќе ги следиме сите здравствени совети и се надевам дека работите ќе бидат појасни во наредните денови“, изјави Вајт.

Значи, барем според зборовите на Вајт борбата помеѓу Кабиб и Фергусон која долго се чека сигурно ќе биде одржана.