Златан и кога не игра е од корист: Еве како му помогна на Јунајтед во финалето!

Швеѓанецот, Златан Ибрахимовиќ, не беше во состојба да му помогне на теренот на својот тим во финалето од Лигата на Европа против Ајакс, но неговиот тим имаше корист од него иако тој не беше во составот.

Мурињо после натпреварот даде изјава во која зборуваше дека животот е неправеден, мислејќи на повредата на Златан, но и откри дека Ибра помогнал од трибините.

“Понекогаш фудбалот не е праведен, таков е и животот. Тоа ќе беше фантастична вечер доколку Златан беше на теренот. Сепак тој “играше во финалето“. Тој на шведски на собирачите на топки во второто полувреме им кажа да успорат малку, па така и надвор од теренот тој играше за нас”- изјави Мурињо.

Да потсетиме, Ибра се повреди пред неколку недели во натпревар од Лигата на Европа, а до тогаш одигра 46 натпревари и постигна 28 погодоци.