Од бегалски камп до ѕвезда во ЛШ

Баерн Минхен синоќа покажа дека е еден од фаворитите за освојување на ЛШ оваа сезона. Баварците го прегазија лондонски Челси со високи 0:3.

Победата за Баерн ја донесоа Серж Гнаби со два гола и Роберт Левандовски. Сепак, играч на натпреварот беше 19-годишниот Алфонсо Дејвис.

Голобрадиот Канаѓанец, кој пред неколку години пристигна во Канада како бегалец, доминираше по левата страна.

Дејвис синоќа покажа дека можеби е најбрзиот играч во Европа. Во 18-та минута, тој ја покажа својата брзина кога го пристигна Мејсон Маунт.

⚡️ pic.twitter.com/IulwuknjiO

— TheFootballAddick (@FootballAddick) February 25, 2020

Крилниот фудбалер на Челси беше во добра позиција и на стартот на вториот дел, меѓутоа неговите планови повторно ги спречи брзоногиот Дејвис.

? pic.twitter.com/6P1L60bgHe

— TheFootballAddick (@FootballAddick) February 25, 2020

Дека е добар и во офанзивата покажа во второто полувреме кога ги претрча Аспиликуета и Џејмс како брз воз.

Davies is so fast he just breezes past top-level defenders in a straight line. No tricks, barely even a feint. pic.twitter.com/9pvneJlZTx

— Oliver Platt (@plattoli) February 25, 2020

Одигра и клучна улога при третиот гол на Баварците кога после одличниот продор му овозможи на Левандовски да го постигне својот 11. погодок во ЛШ оваа сезона.

Фудбалската верзија на Усеин Болт синоќа го доби секој свој дуел, имаше 91% успешни додавања и освои осум топки. Импресивно за некој кој има само 19 години.