Реал Мадрид го сака „бисерот“ на Манчестер Сити

Реал Мадрид покажува сериозен интерес за 19-годишниот талент на Манчестер Сити, Фил Фоден, пренсуваат медиумите на Островот.

Фоден важи за еден од најталентираните англиски фудбалери, а оваа сезона Гвардиола му дава поголема минутажа на која Англичанецот покажа дека станува збор за фудбалски „бисер“.

Фоден оваа сезона запиша вкупно 23 настапи во сите натпреварувања на кои постигна 3 гола и го привлече вниманието на многу европски гиганти.

Реал Мадрид на лето ќе се обиде да го донесе во своите редови, но тешко дека ќе може да го убеди Сити да го пушти бидејќио играчот неодамна потпиша договор до 2024 година.