Роналдо не е првиот кој постигнал хет-трик во ПЛ, Ла Лига и Серија А

Рекордите што Кристијано Роналдо ги споделува со некои други играчи се ретки.

Со три гола против Каљари, Кристијано Роналдо успеа да го постигне својот прв хет-трик во Серија А после преселбата во Јувентус летото 2018 година.

Португалецот три пати на еден натпревар ја затресе мрежата во Премиер лигата како фудбалер на Манчестер Јунајтед и во Ла Лига каде играше за Реал Мадрид.

Интересно е што Роналдо не е првиот фудбалер кој успеал да го реализира овој подгвиг. Пред него тоа му успеа на Алексис Санчез.

Чилеанецот постигна хет-трик во Серија А додека беше член на Удинезе, во Ла Лига додека го носеше дресот на Барселона, а во Премиер лигата како напаѓач на Арсенал во победата од 5:2 над Лестер во 2015 година.