Турска „колонија“ на Сан Сиро: Милан купува уште двајца турски репрезентативци

Милан катастрофално ја отвори сезоната, па „росонерите“ сакаат да го засилат тимот во зимскиот преоден рок.

Италијанските медиуми пренесуваат дека Милан е заинтересиран за двајца турски репрезентативци кои сака да ги донесе на „Сан Сиро“ во зимскиот преоден рок.

Станува збор за десниот бек на Лил, Мехмед Челик кој оваа сезона игра одлично во францускиот клуб. 22-годишниот Турчин е модерен бек со одлични дефанзивни, но и офанзивни карактертистики, па од почетокот на сезоната веќе запиша 5 асистенции.

Тој го привлече вниманието на многу европски гиганти, а Милан сака да ја победи конкуренцијата и да го договори трансферот во јануари.

Вториот играч е дефанзивецот Демирал од Јувентус, кој не добива голема минутажа кај Сари од почетокот на сезоната, па е спремен да ја промени средината, а Милан сака да ја искористи таквата ситуација.

Доколку се реализираат овие трансфери ќе се зголеми „турската колонија“ на Сан Сиро, каде веќе игра Хакан Чалханоглу.