Јувентус во новата верзија на „Фудбал Менаџер“ ќе има друго име

Новото продолжение на популарната „Фудбал Менаџер“ излегува следниот вторник, а во него ќе го нема името на Јувентус.

Италијанскиот шампион има ексклузивен договор со Конами кој ги откупи правата за својата верзија на ПЕС 2020 и тоа значи дека името на Јувентус не смее да се споменува во ниту една друга игра.

На ФИФА 2020 Јувентус го носи името Пјемонте Калчо, а во новиот „Фудбал Менаџер“ името на црно-белите ќе биде Зебри со што се алудира на нивниот дрес.

Треба да се нагласи дека играчите на Јувентус ќе си ги имаат стандардните имиња.