Барди отпадна за мечот со Словенија!

Енис Барди поради повреда не е во можност да биде дел од македонската фудбалска репрезентација за претстојните натпреварите од квалификациите за ЕУРО 2020.

Македонскиот селектор Игор Ангеловски поради тоа реши да повика двајца нови фудбалери, а тоа се Марио Младеновски од Вардар и Ѓорѓи Стоилов од Академија Пандев, кои треба да присуствуваат на првиот собир закажан за 12 часот во понеделник.

Првиот тренинг македонските репрезентативеци ќе го имаат утре во 19 часот на Националната арена во Скопје, а во четврток се игра првиот меч против Словенија во седмото коло, додека три дена подоцна Македонија ќе гостува кај Полска.