Повредата на Ѓоковиќ е потешка од очекувањата

Првиот рекет на светот, Новак Ѓоковиќ ја лекува повредата на рамото и се уште не знае кога точно ќе се врати на терените.

Ѓоковиќ поради повреда на рамото се повлече од УС Опен, па сега му претстои период на рехабилитација.

„Повредата беше посериозна отколку што мислев. Се надевам дека можам да закрепнам брзо. Би било идеално да се вратам до турнирот во Токио на 28 септември. Но, ми треба барем уште една недела за да увидам како се одвива закрепнувањето“, изјави Ѓоковиќ.