„Кога Бејл ќе почне да постигнува голови тогаш не престанува“

Селекторот на Велс, Рајан Гигс е задоволен од она што Герет Бејл го покажал во репрезентацијата.

Велс во петтото коло од квалификациите за Европското првентво го совладаа Азербејџан со 2:1, а победничкиот гол го постигна Бејл во 84-тата минута.

„Герет направи многу за репрезентацијата во последните години. Обично кога ќе почне да постигнува голови не престанува. Мило ми е кога видов дека погоди за Реал Мадрид минатата ндела. Покажа карактер и се бореше до крај. Задоволен сум од она што го покажа“, изјави Гигс.

Бејл во текот на летото беше на излезни врати од Реал. Не беше во плановите на тренерот Зидан и само потпис го делеше од трансферот во Кина. Сепак на крајот се случи пресврт и тој остана во Реал.

На почетокот од сезоната Бејл во три натпревари постигна два гола и запиша една асистенција.