Ковач: На трансферот на Кутињо не треба да се радуваат само навивачите на Баерн

Баерн вчера го потврди трансферот на Фелипе Кутињо кој доаѓа од Барселона едногодишна позајмица.

Прво вчера објавија шпанските медиуми, а потоа се покажа дека тоа не се шпекулации бидејќи Баерн го потврди трансферот.

За трансферот на Кутињо зборуваше и стратегот на Баерн Минхен, Нико Ковач.

„Мислам дека поради доаѓањето на таква ѕвезда во Бундес лигата нема да се радуваат само навивачите на Баерн, туку и цела Германија. Добро знаеме за каков играч станува збор и среќни сме што доаѓа кај нас“, изјави Ковач.