Нови проблеми за Зидан: Се повреди и Ферланд Менди

Реал Мадрид вчера доживеа голем удар откако Марко Асенсио заработи тешка повреда.

Асенсио ги скина лигаментите на коленото во пријателскиот натпревар против Арсенал и најманлку пола година ќе биде надвор од терените. Но, тука не застанаа проблемите за Зинедин Зидан.

Имено, на вчерашниот тренинг се повреди и Ферланд Менди кој ова лето пристигна како засилување од Лион. Овој фудбалер има проблеми со повреда на десниот бутен мускул.

Од Реал Мадрид потврдија дека Менди заработил повреда на денешниот тренинг и после прегледите било утврдено за каква повреда се работи. Според првичните информации тој ќе биде надвор од терените три недели.