Тренерот на Реал Мадрид, Сантиаго Солари смета дека неговиот клуб е најдобар во историјата и дека Гвардиола направил намерна грешка кога не го стави меѓу најдобрите клубови во деценијата.
Гвардиола неодамна изјави дека Барселона, Баерн Минхен и Јувентус се најдобрите клубови на деценијата, со оглед на тоа дека секоја година се борат за трофеи на домашна и европска сцена.
Вардар, Работнички, Силекс, Шкендија – Кој ќе блесне во Европа!? ↓↓↓
Многумина тоа го сватија како „пецкање“ за Реал Мадрид кој изминатата деценија освои четири титули во Лига на шампиони.
„Ми се чини дека намерно го направи тоа. Нема сега да расправаме дали Реал бил најдобар во последната деценија, бидејќи станува збор за најдобриот клуб во историјата“, изјави тренерот на „кралевите“,Сантиаго Солари.
Реал во четврток го очекува реванш мечот со Џирона во кралскиот Куп, откако на домашен терен победи со 4:2.
„И понатаму се бориме на три фронта и сакаме да останеме во трката до самиот крај. Поради тоа играчите се спремни да го дадат максимумот, да го остават срцето на терен“, истакна Солари.
Учество во игри на среќа е дозволено за лица со 18+ години. Играј одговорно!