Деновите на „Олд Трафорд“ му се одброени: Санчез се враќа во Шпанија!

Фудбалерот на Манчестер Јунајтед, Алексис Санчез би можел да се врати во Шпанија бидејќи за него силен интерес покажуваат Атлетико Мадрид и Валенсија.

Санчез остана во втор план на „Олд Трафорд“ и после промената на тренерот, па сериозно размислува да ја промени средината.

Медиумите тврдат дека Јунајтед нема да му стои на патот и дека нема да бара големо обештетување, бидејќи сака да се ослободи од неговата висока плата.

Токму тоа е и најголемиот проблем при трансферот, бидејќи Чилеанецот не сака да ги намали своите примања, а ниту еден друг клуб не е спремен да му плаќа 15 милиони евра по сезона.

Сепак, Санчез би можел да се врати во Шпанија оваа зима и тоа како позајмен фудбалер до крајот на сезоната.