На Апенините ги исмејуваат Французите: Кој е Варан!?

На Апенините низ иронија ги проследија вестите од Париз.

После веста дека Кристиано Роналдо не е помеѓу тројцата фудбалери кои ќе конкурираат за „Златната топка“ во Италија се крена голема прашина.

Медиумот кој важи за наклонет кон Јувентус „Тутоспорт“ на насловната страна постави прашање „Кој е Варан“, додека „Кориере дело Спорт“ констатира дека ова е голем удар за Роналдо.

„Л’Eкип“ со видео откри или подобро кажано најави дека во конкуренција за најпрестижното признание остануваат Мбапе, Модриќ и Варан. На ова може да се дополни и информациите која денес се појави во Италија, а тоа дека Роналдо нема да се појави на доделувањето на „Златна топк“ во Париз.

Се најавува дека ова ќе биде годината во која ќе биде прекината доминацијата на Роналдо и Меси и после 10 години „Златната топка“ ќе заврши кај некој трет фудбалер.

Јасно е дека на Апенините навиваат за Роналдо бидејќи премина во Јувентус. Можеби „Златната топка“ и не ја заслужи, но да го нема помеѓу првите тројца тоа е навистина дискутабилно со оглед дека е актуелен освојувач во Лигата на шампионите каде што беше и најдобар стрелец.