Роберто Манчини им отвори простор на неколку фудбалери без настап за Италија пред ноемвриските дуели во Лигата на нациите. Селекторот состави список со 31 име, на кој се Алфадџо Чисе, Симоне Лонтани и Рикардо Касано, како и Матија Либерали и Лука Колеошо, кои исто така го чекаат сениорското деби.
Пред „аѕурите“ се две средби со директните ривали во групата. На 12 ноември ја пречекуваат Франција на „Сан Сиро“, а три дена подоцна гостуваат кај Белгија. По четири натпревари, Французите водат со десет бода, Италија има седум, Белгија шест, додека Турција е без бодови.
Манчини овојпат го намали бројот на повикани во однос на минатомесечниот собир, прв по неговото враќање на селекторската функција, кога избра 34 фудбалери. Искусното јадро останува во составот: Џанлуиџи Донарума, Алесандро Бастони, Рикардо Калафиори, Федерико Димарко, Николо Барела, Сандро Тонали и Пио Еспозито се на списокот.
Повторно е повикан Марко Палестра, кој неодамна ги забележа првите премиерлигашки настапи за Челси по повредата заработена непосредно пред почетокот на сезоната. За разлика од него, Џовани Ди Лоренцо отсуствува откако поради повреда го заврши настапот на полувремето во поразот на Наполи од Јувентус со 0-2.
Место има и за Онест Аханор. Тој во јуни одигра два пријателски натпревари под водство на Силвио Балдини, но сè уште нема настап во натпреварувачки меч за сениорите. Беше повикан и во септември, кога не доби минутажа, по што се врати во селекцијата до 21 година за да помогне во обезбедувањето пласман на Европското првенство.
- Голмани: Марко Карнезеки (Аталанта), Џанлуиџи Донарума (Манчестер сити), Гуљелмо Викарио (Јувентус).
- Одбрана: Онест Аханор (Кристал палас), Алесандро Бастони (Интер), Рикардо Калафиори (Арсенал), Федерико Димарко (Интер), Даниеле Гиларди (Рома), Михаел Кајоде (Брентфорд), Џанлука Манчини (Рома), Марко Палестра (Челси), Џорџо Скалвини (Аталанта).
- Среден ред: Николо Барела (Интер), Рикардо Касано (Комо), Иса Думбија (Спортинг), Николо Фаџоли (Фиорентина), Давиде Фратези (Лацио), Симоне Лонтани (Парма), Николо Писили (Рома), Самуеле Ричи (Комо), Алесандро Романо (Каљари), Сандро Тонали (Тотенхем).
- Напад: Николо Камбјаги (Болоња), Алфадџо Чисе (Милан), Франческо Пио Еспозито (Интер), Себастијано Еспозито (Сасуоло), Лука Колеошо (Париз), Матија Либерали (Комо), Џанлука Скамака (Аталанта), Антонио Вергара (Наполи), Николо Ѕаниоло (Удинезе).
📋💙 La lista dei 31 convocati del Ct Roberto #Mancini per le prossime sfide di Nations League contro Francia e Belgio#Nazionale 🇮🇹 #Azzurri #VivoAzzurro pic.twitter.com/yFgZYqDwlR
— Nazionale Italiana ⭐️⭐️⭐️⭐️ (@Azzurri) November 5, 2026
Фото: Fouad Ashtri / Wikimedia Commons, CC BY 4.0
Учество во игри на среќа е дозволено за лица со 18+ години. Играј одговорно!